時刻-影響一生的決定

呢排好煩. 煩乜? 講出o黎好似o西命咁,所以冇打算講, 亦都未認為可以在這裏disclose.

不過的確纏擾左好耐, 令我原本稀薄的頭髮又少了幾條.

呢個問題簡單D咁講, 就係事業與家庭之間的選擇. 我暫時都係希望做一隻自由飛翔的雀仔, 繼續自由自在, 繼續睇我的股, 諗我的發達大計.

始終, 我覺得打工冇發達, 無論坐到幾高都係按月出糧. 人工高唔高? 高就OK高, 但係論工作性質以及挑戰性, 就滿足唔到我. 而這亦違背了我及早退休的想法. 係呀, 我好想快D得到財務自由跟住就退休唔do. 唔do之後先至能夠完全無拘束的過我自己想要的生活. 所以我情願每日埋頭苦幹在我的財經智識上, 用我每月的現金流不斷投資, 希望可以盡早達成這一個願望.

除此之外,返工俾唔到O個種成功感我, 我只能說, 回報與付出是不成正比的. 而我個人亦都不喜歡那些名與權, 這些都不是我所追求的. 事實上, 到目前為止, 我還是找不到一個堅實的理由去說服自己去馬.