地產情報

今日飲茶, 聽見鄰桌有置業計劃.

對方是個年約五十來歲的男人, 偷聽之下, 佢個仔今年將會畢業出來揾野做, 佢係讀繪圖設計o既, 佢話佢個仔畢業後該會有2萬銀人工喎~~. 佢話層樓約$3.5百萬, 首期預計要15萬左右(咁即係95%按揭), 計埋雜費4-5萬, 分30年供, 每月約供$15000.

咁佢點供呀? “o我! 咁我會幫佢加麻, 每月幫佢幾千o米就得law. 最近樓市好似靜翻d, 個市而加升左咁多回一回氣遮, 佢重會升o架! 今年仲會升多1兩成, 只要過左o個一年罰息期 , 賣翻出去就有賺啦.”

我暗自盤算, 你都買得幾盡喎, 你守唔守得住o架? 如果你個仔揾唔到2萬咁點先? 如果個樓市唔升咁又點?

市場智慧話我知, 當弱少一群都話要瞓身買o既時候, 我們就要提高警惕, 留意市場是否有機會見頂. 若果市場上能買想買的都買了, 還有誰會買, 沒有買家, 市就要跌.

另外, 恒指地產分類指數往往行先樓市半個月至半年, 相關指數由12月高位39000點以上反覆下調至今日的30000點, 樓市短期有機會亦會跟隨反覆回落. 至於是否長線已見頂位? 我諗未, 但的確要小心留神.