美國大選陰謀論

最近全世界股市無端端係咁跌，雖然話o黎緊經濟好唔掂， 又話好多危機， 但係咁樣跌就真係過份左。

所以我諗會唔會o向背後又有陰謀論呢? 有調查話經濟愈差， 奧巴馬的支持度愈高， 而在背後支持民主黨奧巴馬的就有許多金融機構。 他們會否趁大選前夕鋤低個市， 幫奧巴馬打打氣。

跟住順理成章， 美股跌， 世界各地都要跟跌。 就好似最近香港個市每天約500億交投， 要將佢舞高弄低真係話咁易。 如果細心留意一下， 正股成交低， 但期指唔低架。

美國大選在11月4日舉行， 筆者估計個市質到10月底該差不多。 一方面等月低期指結算， 另一方面， 奧巴馬都夠嬴啦! 11月頭至月中該會有一個似樣反彈， 今日恒指收11015， 唔知上唔上得翻14000 呢?

除此之外， 滙豐境可3日內由100跌到去75， 中人壽由24落到16， 中移動… … 當強勢股都咁跌法， 更加引證大戶控制指數股上下其手， 另一方面， 亦表示大市短線己見底。

成個熊市跌完未呢? 好似未喎， 因為散戶都未心死。 好多散戶都趁跌買， 仲有好多散戶d倉底貨都未震出o黎。